Доволно е да се погледнат ноктите на човек, за да се претпостави дали има и каква е неговата дијагноза. Тоа е мислењето на експерти од Американската академија за дерматологија. Според нив, во состојба на ноктите може успешно да се утврдат знаци за болести како анемија, проблеми со белите дробови, присуство на габи и др...

Пример, ако ноктите имаат жолтеникава нијанса, тоа во повеќето случаи е сигурен знак за габична инфекција. Исто така треба да се провери за евентуални проблеми со црниот дроб, лимфниот систем или белите дробови (на пример хроничен бронхитис). Темните линии под ноктите пак се показател за зголемен ризик од рак на кожата - меланом. Стручњаците препорачуваат веднаш да се побараат консултации.

Ако постои аномалија - зголемување на крајот на палците и свиткување на ноктите, тоа се толкува како доказ за недостиг на кислород во крвта. Причина за таквата состојба може најчесто да бидат болести на срцето и белите дробови, а не се исклучува и вроден дефект, хронична белодробна инфекција, цироза на црниот дроб или инфекција на срцето. Прекршувањето се ноктите често имаат луѓето болни од псоријаза, хроничен дерматитис, кои страдаат од ќелавост или артритис.

Присуството на ленти пак е сведоштво за помината незабележана болест, продолжено изложување на ниска температура, неконтролиран дијабетес, пневмонија или мозочно заболување, болест на циркулацијата.

Ноктите, кои личат на лажица, односно силно свиткани нагоре по рабовите, најчесто се предизвикуваат од траума, присуство на синдром, сугерираат поместување или олабавување на капачињата на колената, отстапувања во развојот на бубрезите и скелетот. Често таква форма на ноктите има кај луѓе со анемија.

Белите нокти можат да се показател за цироза на црниот дроб, дијабетес, срцева слабост или неухранетост.