Луѓето со многу масти во пределот на стомакот се изложени на 3,5 пати поголем ризик да страдаат од губење на меморијата и деменција во подоцнежната возраст, открија американските научници...

Научниците откриле дека луѓето со многу масти на стомакот имаат пониски нивоа на протеинот, кој ја контролира апсорпција на мастите во црниот дроб. Протеинот PPARalpha ја контролира апсорпција на мастите во црниот дроб, но исто така се сретнува во центарот, контролирајќи ја меморијата, хипокампусот, и одговара за помнењето и учењето.

Кога луѓето страдаат од дебелина, тие првично имаат ниски нивоа на PPARalpha во црниот дроб, но подоцна количините му се намалуваат во целото нивно тело, вклучувајќи и во мозокот.

Невролози од Универзитетскиот медицински центар Раш во Чикаго сметаат дека откритието може да помогне за развој на инјекција, која ќе го подобрува учењето и меморијата кај луѓето со деменција.

Претходните истражувања открија дека пасивното пушење, несоницата, пиењето , дијабетис тип 2 и срцевите заболувања исто така го зголемуваат ризикот од деменција.