Луѓето со нормална тежина полесно се спротивставуваат на искушението да каснат нешто калорично отколку оние кои се со прекумерна тежина или дебели. И за овој факт има биолошки причини, тврди Роберт Шервин од медицинско училиште на Универзитетот "Харвард"...

За да го докаже своето тврдење, тимот предводен од Шервин, спровел експеримент во кој учествувале здрави луѓе, половина од нив страдале од дебелина, а останатите биле со нормална тежина. Преку јадреномагнитен резонанца (МРИ) било прикажано на кој начин реагира мозокот на секој од волонтерите на прикажаните фотографии на храна - од кои на еден дел било прикажано здрава храна, а на друг дел - висококалорична.

Истовремено со ова искуство научниците го промениле нивото на шеќерот во крвта кај испитуваните - во еден случај таа била намалена, во друг - нормална. Сите истражувања биле правени 2 часа после јадење.

Кога нивото на шеќерот во крвта било ниско, деловите од мозокот одговорни за наградувањето, ги засилуваат и поднесуваат упорните сигнал за глад. Особено силен бил сигналот кај луѓето со прекумерна тежина, кога им биле прикажани слики на висококалорична храна. Кога нивото на шеќерот во крвта било нормално, кај слабите луѓе се зголемуваат дејството на други делови од мозокот, кои имаат способност да ги задушуваат сигналите за појава на глад.

"Очигледно постои регулатор - еминентна мозочна функција, која го контролира центарот на наградување. Кај дебелите луѓе овој регулатор е ослабен. Затоа и кај нив полесно се отклучуваат мозочните центри кои го стимулираат апетитот", смета авторот на студијата, цитиран од Ројтерс.