Не се разболува само човечкиот вид од СИДА, туку и мачките, кои имаат своја варијанта на болеста...



Предизвикувач на СИДА кај мачките е FIV (мачји имунодефициентен вирус). Како што се испоставува, протеините од мачјиот вирус можат да предизвикаат позитивна имунолошка реакција кај луѓето заразени со ХИВ, што дава надеж за развој на превентивни вакцини против СИДА.

Во написот објавен во весникот „Journal of Virology“, истражувачите од Универзитетот на Флорида и Калифорнија веруваат дека ова откритие би можело да доведе до развој на ХИВ вакцини, кои стимулираат силна реакција на Т-клетките кај човечкиот имунолошки систем.

Нивните откритија покажале дека одредени пептиди од FIV може да доведат до полесно идентификување на делови од ХИВ, кои ќе бидат поефикасно искористени за создавање на вакцини. Засега се уште не е развиена превентивна вакцина за вирусни заболувања, кои би биле засновани на делувањето на активноста на Т-клетките во имунолошкиот систем.