Пет часа спорт неделно може да го намали за 20% ризикот од развој на хипертензија во иднина, тврдат кинеските научници, чие истражување е објавено во списанието "Hypertension"...

Истражувањето покажа дека луѓето кои вежбаат по 4 часа неделно во слободно време го намалуваат со речиси 20% ризикот од висок крвен притисок, за разлика од оние кои се занимаваат со помалку од еден час неделно. Кај оние кои вежбаат по три часа неделно, ризикот е за 11% помал.

Истражувачите ги анализирале резултатите од 13 истражувања за влијанието на физичката активност врз крвниот притисок. Учесниците биле од САД, Европа и Азија, со вкупна бројка од над 136 800 луѓе. Во текот на истражувањето на 15 600 луѓе им била дијагностицирана хипертензија.

Во САД околу 78 милиони луѓе имаат високи индикатори на крвниот притисок. Оваа состојба обично е без видливи симптоми и затоа не се лекува. Научниците експлицитно нагласуваат дека ефектот се добива при вежбање во слободното време, а не за време на работа со физичка натовареност.