Илјадници жени, кои поминале низ страдањето да влезат во рана менопауза, имаат нова искра надеж да станат мајки благодарение на револуционерното лекување на неплодност...

Техниката ги буди "заспаните јајце клетки" на жената, која навлегла во менопауза пред 40-та година. Има случаи на 25-годишни девојчиња, кои не можат да имаат деца, поради тоа што јајниците им престануваат да функционираат премногу рано.

Третманот е плод на напорната работа на американски и јапонски специјалисти, според кои многу жени ќе имаат корист од постапката. Експертите го опишуваат ова истражување како "вистински пробив" во областа на неплодноста, иако методот треба да биде тестиран подлабоко.

Во истражувањето учествувале жени со примарна форма на јацевиден неуспех, што претставува вид рана менопауза. Таа влијае на околу 1% од жените во репродуктивна возраст.

Иако тие имаат можност да забременат преку донирани јајце-клетки или да посвојат, развојот на медицината може да им овозможи на овие жени да имаат свои деца.