Со доаѓањето на есента, обично не напаѓаат непријатни настинки. Во пресрет на ладните денови ќе ви понудиме неколку народни рецепти, со кои ќе и се спротивставите на силната кашлица...

- Сварете листови од подбел и пијте ги како чај.

- Кашлица кај пушач - корени од слез се варат во млеко. Пијте по 1 чаша неколку пати на ден.

- Во текот на 1 недела пијте чај од ленено семе.

- Кашлица кај дете - 100 гр. мед и 100 гр. свежо масло се мешаат со 1 пакетче ванила. Се зема три пати по 1 лажичка.

- Силна кашлица - 4 ореви во лушпа, 1 лажица цвет од боз, 1 лажица мед се варат во половина литар вода. Болниот да пие по една лажица 3 пати на ден.

- Напорна кашлица кај возрасен - Смола од бела цреша голема колку орев, се вари во 1 литар вода. Се цеди и кон водата се додава 200 гр мед, 3 зрна каранфилче и на врвот од ножот исиод. Се зема по 1 лажица наутро и навечер на гладно.

- Земајте ги сувите лушпи на 10 главици кромид и сварете ги во вода исто како да варите чај. Исцедете ја водата во цедилка и во неа ставете 1/2кг. мед, 1-2 лажички мелени синап и 1-2 лажички ленено семе. Земајте по 1 лажичка од оваа смеса 3 пати дневно: наутро, напладне и навечер.

- За силна кашлица земете и изрендајте црна ротквица. Потоа исцедете ја убаво и секоја вечер пијте по една чашка за кафе.

- Против кашлица исто така се препорачува и чај од мајчина душица, бел и жолт ајдучка трева и зелени листови од јагода.