Здравите меѓучовечки односи, особено во согласувањето и разбирањето со партнерот, се од извонредна важност за здравјето, тврдат стручњаците после истражување кое траело долги 20 години...

Научниците ги споредувале здравствените состојби на учесниците во студијата кои се во среќен брак и оние кои имаат проблеми со партнерот, и откриле дека постои врска помеѓу здравјето и задоволството во односите со партнерот.

По спроведената студија, тие тврдат дека активностите, како што се на пример, вечерните прошетки или излегувањето со партнерот, можат поволно да влијаат на здравјето.

Во ова 20-годишно истражување, стручњаците проучувале како среќата и тоа колку се задоволни во бракот или врската влијае на менталното здравје на 1680 луѓе.

Меѓу 11 прашања за тоа колку учесниците во студијата различните аспекти во врската ги прават среќни, се нашле и прашањата за тоа колку партнерот ги разбира, дали заедничките активности ги прават среќни...

Покрај тоа, испитаниците одговориле и на прашањата на тема како се "справуваат" со љубомората, бесот или неверството на партнерот.

За тоа време, стручњаците здравствената состојба на учесниците ја оценувале како одлична, добра, солидна и лоша.

"Врската помеѓу здравјето и среќата е присутна кај луѓето од сите старосни групи. Кога луѓето се здрави, тие се среќни", тврди др.Коди Холист, и смета дека здравјето и среќата одат рака под рака".

Не постои начин да се утврди дали среќниот брак води до подобро здравје, како и тоа дека луѓето кои се во лоша љубовна врска се разболуваат, но јасно е дека постои врска помеѓу здравјето и среќата.

Затоа, следниот пат кога ќе се расправате со партнерот, имајте на ум дека тоа може негативно да влијае на вашето здравје.