Дали вежбањето влијае на вашите килограми? Па, и не баш, затоа што истражувањето покажало дека само 27% од луѓето кои почнуваат да се занимаваат со физичка активност всушност се ослободуваат од вишокот колограми...

Речиси половина остануваат со истите килограми, а четвртина се здебелуваат.

Причината е прилично едноставна - после вежбање луѓето воглавно се "наградуваат" со разни висококалорични посластици кои содржат барем 500 калории по парче, покажало истражувањето. Како само најупорните вежбачи на тренинг трошат меѓу 200 и 500 калории, математиката не може да биде поедноставна.

Најголемиот број вежбачи во теретана одат три до четири пати неделно, а просечно таму остануваат 40 минути, трошат во просек 300 калории, а секој трети таков вежбач после тренинг јаде нешто погрешно.

Секако, за повеќе од половината луѓе тренингот е идеален отварач на апетит, а како со тренингот добиваат и самодоверба, мислат дека е сосема во ред да се наградат со некоја посластица после маката.

Но, за мастите успешно да се разградат и да изчезнат, дневно треба да трошите речиси 800 калории, а тоа очигледно го можат многу малку луѓе.