Не се предавајте! Еве што се можете да направите за да се чувствувате подобро, без оглед на тоа што сончевите денови се се поретки, времето ладно, често пати дождливо...

Дружете се - без оглед на тоа што сте нерасположени, натерајте се себе си да се дружите со други луѓе, со пријатели или колеги, фамилијата, комшиите. Немојте да се затворате дома, во "својот депресивен свет".

Внимавајте како се храните - депресиајта води до гојазност, гојазноста до болести на срцето, крвните садови...Чипс, сокови, алкохол, чоколади, нема да го вратат летото во вашиот живот. Тие крадливци на енергија само ќе направат да се чувствувате полошо. Затоа, навалете на зеленчук, месо, малку свежо овошје и ќе видите како ќе ви биде подобро.

Бркајте го Сонцето - не пропуштајте ги сончевите моменти во текот на денот, задолжително излезете и прошетајте. Така ќе ја обновите потребната доза на витамин Д и ќе го подобрите своето расположение. Доколку не сте во можност да излезете, седнете барем покрај отоворен прозорец.

Вежбајте - така ќе го намалите стресот, ќе го забрзате метаболизмот, ќе ја вратите насмевката на лицето. Не е важно што ќе правите, важно е да ви годи, да ве релаксира, и после тоа да се чувствувате добро. Уште кога ќе се истуширате...

На крајот од денот, без оглед на тоа како и да бил и дали сте постигнале да завршите се или не, одете во кревет порано отколку што практикувавте во текот на летото. трудете се да спиете најмалку седум часа, но никако повеќе од девет.

Есента е убава, само треба да откриете.