Тетовирањето лесно може да предизвика рак! Експертите сметаат дека наночестичките на мастилото можат да влезат во крвотокот, да се акумулираат во слезината и бубрезите и со тоа да ја нарушат способноста на телото да ги прочистува токсините...



Истражувања покажале дека некои бои што се користат за тетовирање содржат канцерогени супстанции, па научниците апелираат за засилена контрола во оваа област.

Очигледно одредени видови и бои на мастила содржат супстанции како што се кобалт и жива, кои се многу токсични за човекот. Дезмонд Тобин, директор на Институтот на Универзитетот во Брадфорд во Велика Британија, истакнува дека истражувањата покажале доволно, а тоа е дека овие супстанци се токсични и опасни по човековото здравје.

„Некои бои се продаваат со малку или без никакви дополнителни информации за производот, така што нивниот состав останува енигма за луѓето што ги користат“, рекол тој.

Едно истражување во Данска покажало дека се пронајдени 13 канцерогени хемикалии од вкупно 21, земени од примерок од мастило, кои најчесто се користат за тетовирање во Европа. Затоа експертите предупредуваат дека треба да се воведат построги регулативи за оваа област.