Колку и да сте уморни, наоѓање на удобна поза во кревет и нејзино зачувување во текот на цела ноќ може да се покаже како еден од најголемите предизвици со одминувањето на бременоста...

Лошото спиење започнува уште во првото тромесечје, кога притисокот врз мочниот меур поради зголемувањето на матката може да ве тера да трчате до тоалетот почесто од обично. Во подоцнежната фаза од бременоста може да страдате од лошо варење или киселини, или од грчеви на нозете.

Последица на сето ова може да бидете премногу нервозни или вознемирен, за да спиете или да не можете да најдете погодно место на кое ќе го потпрете големиот стомак.

А, кога на крајот ќе успеете да најдете мир, неколку добри удари на бебето може лесно да ве разбудат.

Според гинеколозите најдобрата позиција за спиење за време на бременоста е превртена на лево, но ако во принцип сте навикнати да спиете на стомак или на грб, може да ви е потребно некое време за да се навикнете.

Ако имате киселини или не ви достига воздух, пробајте малку да го подигнете горниот дел на телото. Носењето на градник за спиење и појас за бремени во третото тромесечје можат да обезбедат дополнителна поддршка за градите, стомакот и грбот.