Прејадувањето во текот на викендот е причината диетите да пропаднат, открија британските експерти. Тие тврдат дека луѓето на диета консумираат повеќе од половина од конзумираните калории текот на неделата во саботата и неделата...

Истражувањето покажа уште дека речиси 75% од луѓето кои се обидуваат да ги намалат килограмите, признаваат дека подлегнуваат на големи престапи со храна од петок вечер до неделата. Секојдневниот живот, поврзан со одењето на работа, им овозможува на луѓето кои се обидуваат да ги намалат калориите, да го контролираат количеството на храна од понеделник до четврток.

Но кога ќе дојде петок, дури и најдобрите планови не успеваат. Мажите можат да ги апсорбираат преку пијалаци и храна цели 10 000 калории до крајот на викендот, а жените - околу 8000 калории.

Вообичаено на мажите им треба 2500 калории на ден, а жените - до 2000 калории, а тоа значи дека половина од неделната количина калории може да биде изконсумирана во текот на "лош" викенд. Истражувањето меѓу 1.000 луѓе покажа уште дека 83% од луѓето на диета се оддаваат на пиење преку викенд, вклучувајќи вообичаено храна со пријатели или роднини и консумирање алкохол. Тие често завршуваат со касна вечера пред спиење.

Само еден оброк со алкохол може да достигне до 3.500 калории кај мажите и 3000 калории кај жените. Но најголемата опасност за исхраната во текот на викендот доаѓа од загубата на неделната структура и дисциплина и склоноста кон средни оброци меѓу појадокот, ручекот и вечерата.