Испивте малку повеќе и одеднаш не можете да престанете да се смеете, ги сакате сите околу вас, па и оние кои прв пат ги гледате? Алкохолот, дури и во мали количини, ја намалува способноста на мозокот да ги контролира емоциите...

Алкохолните пијалоци кои содржат 16% алкохол, како на пример виното, доволно се јаки да ја пореметат врската помеѓу деловите од мозокот кои се одоговорни за однесувањето.

Тоа објаснува зошто луѓето под влијание на алкохол често се агресивни или едноставно се однесуваат поразлично од обично. Освен тоа, кога сме во "напиена" состојба, се менува начинот на кој донесуваме одлуки и како ги доживуваме емоциите како што е стравот.

Научниците веруваат дека кога ќе дојде до прекин во комуникацијата помеѓу деловите на мозокот одговорни за однесувањето, доаѓа до "испуштање на конци", поради што луѓето под дејство на алкохол често се подготвени да направат работи кои инаку никогаш не би ги направиле.

Во истражувањето спроведено од докторите од Универзитетот Илиноис и Чикаго и Колеџот за медицина, ги скенирале мозоците на доброволци за да утврдат како пијалоците кои содржат 16% алкохол делуваат на способноста на човекот да носи одлуки и на кој начин ги доживува емоциите како страв, бес и среќа.

"За мозокот нормално да ги обработува емоциите, потребно е да ги користи двете страни. Меѓутоа, поради алкохолот доаѓа до прекин во комуникацијата помеѓу двете страни на мозокот", објаснил професорот на психијатрија др. Лаун Фан.

Освен што под влијание на алкохол, доброволците не можеле да ги поврзат изразите на лицето со стравот, лутината и среќата, научниците откриле дека алкохолот ја намалува способноста на мозокот да препознае опасност.