Сите знаеме дека лимонот е супер како додаток во исхраната или коктелите, но и дека може да се користи како природна состојка за вашата убавина...

Решение за акни и мозолчиња
Сокот од лимон многу добро ја чисти вашата кожа. Исечете еден лимон и втријте го по целото лице во борба против акните и мозолчињата. Можете и да додадете малку мед, што е одлично за примена на одредени помали места, а резултатите се брзо видливи. Пред миење на лицето, оставете да делува 5-10 минути.

Избелување на забите
Дома направете си избелувач на забите од сода бикарбона и лимонов сок. Помешајте ги заедно и со стапче за уши нанесте на забите. ПОсле една минута забите измијте ги со четка.

Осветлување на косата
Наместо трошење пари за осветлување, комбинирајте малку лимонов сок со својот регенератор и седнете на сонце неколку часа пред да ја измиете косата. После неколку повторувања, вашата коса е биде значително посветла.

Омекнување на усните
За да го ублажите проблемот со испукани усни, втријте лимоново сок, а потоа измијте. Тоа ќе ве ослободи од мртвите клетки, а вашите усни ќе бидат нежни и меки. Единствено запомнете дека лимоновиот сок не смее долго да се држи на кожата, затоа што после подолго време киселината ја оштетува вашата кожа, особено ако сте изложени на сонце.