Мигрената може да доведе до трајни промени во мозочните структури, покажа анализата на повеќе од 20 научни трудови...

"Традиционално се смета дека мигрената е пореметување кое нема трајни последици врз мозокот", вели д-р Месуд Ашина од Универзитетот во Копенхаген, кој е автор на студијата. "Нашата мета анализа покажува дека всушност мигрената може да ја наруши за постојано структурата на мозокот на многу начини", вели тој.

Научниците откриле дека мигрената всушност го зголемува ризикот од оштетување, аномалија на белата супстанција и дополнување на обемот на мозокот во споредба со луѓе кои не страдаат од мигрена.

За оваа студија авторите анализирале 19 истражувања, од кои 13 - клинички, при што пациентите биле тестирани со магнетна резонанца. Овие студии покажуваат зголемување од околу 68% на ризикот од оштетување на белата супстанца кај луѓето со мигрена во споредба со другите. Д-р Ашина потсетува дека мигрената влијае помеѓу 10 и 15% од населението и може да е исклучително мачна.