Неодамна спроведено истражување го потврди позитивното влијание од конзумација на лук, кој може да послужи за спречување и намалување на ризикот од рак на белите дробови, еден од најчестите причини за смрт кај мажите и жените...



Истражувањето било спроведено со помош на 5976 испитаници во Кина во периодот од 2003 до 2010 година, врз основа на собрани податоци кои укажуваат на начинот на исхрана, навики во исхраната и начинот на живеењето на испитаникот, вклучувајќи го и конзумирањето на лук. Посебно внимание било насочено кон пушачите и нивните навики.

Резултатите покажале дека испитаниците кои конзумирале лук - 2 пати или повеќе пати неделно, имале намален ризик од рак на белите дробови за 44%, додека ризикот кај пушачите бил намален за 30%.

Авторите на истражувањето истакнале дека редовното конзумирање на лук, во зависност од количината, може да има превентивно влијание за спречување на рак на белите дробови.