Нов метод за следење, изработен од американски научници овозможува во раните стадиуми да се открие ракот на јајниците, за да се започне навреме со третман. Студијата е објавена во списанието Cancer...

Во моментов нема доволно добра методологија за откривање на ракот на јајниците. Болеста често се одвива без специфични симптоми и е многу тешко да биде фатена во рани стадиуми кога лекувањето може да биде најефикасно. Ракот на јајниците најчесто завршува со фатален исход, бидејќи дијагнозата се поставува кога болеста е напредната. Според авторите, ако нивниот метод помине низ клиничките испитувања, тоа може да го спаси животот на илјадници жени годишно.

Тимот на истражувачи од Онколошкиот центар "Андерсон" во Тексас универзитетот го тестира методот за откривање за рак на јајниците, заснован на следење на крвниот протеин CA125 - познат како туморов таг.

Во текот на 11-годишното истражување над 4.000 жени во постменопауза годишно дале примероци од крв. Жените биле поделени во три групи според степенот на ризик од развој на рак на јајниците: 1. помал ризик - давање на крв на една година; 2. среден ризик - повторување на анализата по три месеци, 3. висок ризик - дами, кои треба да поминат низ преглед видеозон на органите на малата карлица.

Просек 5,8% од жените годишно биле во групата со среден ризик и биле испраќани за нови крвни анализи по три месеци. Околу 0,9% биле испраќани на видеозон и преглед при онколог. Како резултат на прегледите 10% се оперирани. Кај 40% од случаите тие имале агресивни форми на тумори, кои биле ликвидирани уште во рана фаза. Точноста на методот е 99,9%.