Недостатокот на јод за време на бременоста го намалува коефициентот на интелигенција на детето, тврдат научници од универзитетите на Бристол и Сари, цитирани од ВBC...

Тие направиле истражување на над 1.000 семејства, што покажува дека кога мајките имале недостиг на јод за време на бременоста, кога ќе тргнат на училиште, децата им се со понизок коефициент на интелигенција и послаби вештини за читање.

Јодот е многу важен за развојот на мозокот и помага во градењето на некои од човечките хормони. Остриот дефицит е водечка причина за неповратливите случаи на оштетување на мозокот во светот.

За надминување на недостигот на јод, на идните мајки им се препорачува да јадат риба и млечни производи. Не треба сепак да прибегнуваат кон лекови и апчиња со алги, бидејќи количините јод во нив се претерани.