Конзумирањето на повеќе од 28 филџани кафе неделно може да биде штетно за здравјето кај лицата помлади од 55 години, се резултатите од најновото истражување на американските научници...

Во истражувањето кое го објавила клиниката Мејо се наведува дека е утврдено дека кај мажите помлади од 55 години кои пиеле по 28 филџани кафе неделно или шетри фиџани дневно, постоел 56% поголем ризик да починат од било која болест.

Жените во тој период од животот се изложени на двојно поголем ризик од смрт од другите жени, се наведува во студијата, која опфатила 43.727 мажи и жени на возраст од 20 до 87 години, а тралеа од 1971 година до 2002.

"Според нашата студија, безбедно е се пие до 3 филџани каде дневно. Конзумирањето на четири и повеќе филџани може да биде опасно по здравјето", рекла коавторката на студијата која еден филџан го дефинира како 28 грама кафе.

Од една страна, кофеинот во кафето го зголемува бројот на отчукувања на срцето како и крвниот притисок и нивото на шеќер во крвта, а од друга страна кафето е еден од најдобрите антиоксиданси, рекла таа.

Според нејзините зборови, не е утврдена значајна поврзаност на кафето и срцевите болести, а додатни истражувања ќе бидат спроведени за да се испита поврзаноста на кафето со карциномот.