Ако не ја отстранувате шминката секогаш пред да одите да спиете, не сте единствени...



Последното истражување покажало дека 1/3 од жените заспиваат со шминка на лицето најмалку двапати неделно, пишува Daily Mail.

Жените знаеле дека кога ќе го прескокнат отстранувањето на шминката од лицето ќе им се појават мозолчиња, кожата ќе им биде сува и ќе предизвикаат појава на брчки. И покрај тоа, сепак понекогаш "забораваат" да ја отстранат шминката.

Со цел да се убеди и самата што точно предизвикува неотстранувањето на шминката на лицето пред спиење, новинарка од Daily Mail намерно не ја отстранувала цел месец. Лицето го "чистела" единствено кога се туширала.

Во "мерењето на штетата" и помогнал Ник Миеџиановски-Синклер од козметичко студио. Со помош на 3Д камери ги набљудувал промените на кожата тој месец - пигментација, испукани вени, проширени пори и брчки.

Новинарката секој ден си стававла на лицето прав, маскара, моливче за очи и сјај за усни. Секоја вечер легнувала на спиење без отстранување на шминката и чистење на лицето, а наутро кога се туширала лицето само го миела.

По експериментот, проценката на козметичкото студио покажала дека текстурата на кожата на лицето се влошила за околу 10%, а влажноста на кожата се намалила за 5%. Кога кожата е сува и брчките се повеќе изразени, појаснуваат од студиото. Освен тоа, кожата на лицето станала поцрвена.

По еден месец не неотстранување на шминката, кожата и биолошки изгледала за 10 години постара.