Се знае дека сонот е многу корисен и важен, не само за здравјето, но и за убавината. Како сепак да се избориме со проблемите во спиењето? Ви нудиме неколку совети за мирен и добар сон...

Направете листа со задачите за следниот ден, пред да си легнете. Не секој има овој проблем, но некои од нас не можат да престанат да мислат за утрешните обврски и тоа им пречи да заспијат. Направете листа на се што ви паѓа на памет дека треба да направите следниот ден - така вашиот ум ќе се смири.

Креирајте рутина. Легнувајте штом ќе ви се преспие и станувајте отприлика во исто време наутро. И ако тоа значи да се разбудите со будилник, подобро така, отколку да се збуни организмот со различен час на станување секој ден.

Отворете го прозорецот за да ја проветрете просторијата ноќе, освен ако сонот не ви е чувствителен на бучава и светлина.

Правете вежби! Дури и обичната прошетка вечер ќе влијае позитивно на сонот во текот на ноќта. Ако немате време за прошетка, направете малку вежби пред спиење.