Aко секојдневно јадете брза храна иако знаете дека е лоша за здравјето, можеби ќе ве разлути новата студија и сепак ќе ве убеди да престанете или барем умерено да конзумирате грицки и храна со висока содржина на масти и шеќер...

Имено, истраживачи од Универзитетот во Единбург откриле дека ова храна и газираните пијалоци кои содржат доста шеќер го зголемуваат ракот на дебелото црево, односно колоректалниот карцином.

Затоа, велат научниците, не би требало да јадете грицки, колачи, торти и напивки со големо количество шеќер во големи дози.

Во студијата која ги дала овие резултати, учествувале 2 062 пациенти со рак на дебелото црево, на возраст од 16 до 79 години и сите пополниле прашалници во кои ги опишале своите животни навики, вклучувајќи го и видот на храната која најчесто ја јадат и колку често ја внесуваат.

Резултатие го потврдиле она што веќе било познато - дека цигарите и гените играат голема улога во заболувањето од овој вид на рак. Меѓутоа пронајдена е и врска меѓу ракот на дебелото црево и грицките кои содржат голема количина шеќер и масти, како што се колачите, бисквити и сл.

Стручњаците тврдат дека и соковите од овошје и зеленчук исто така го зголемуваат ризикот од колоректален карцином, затоа што во нив се додаваат адитиви и вештачки засладувачи.