Само една порција риба неделно ја намалува депресијата и чувството на анксиозност кај идните мајки, покажува најновото истражување...

Жените кои никогаш или ретко јадат риба се со 53% повеќе загрижени во последните месеци од бременоста. Истражувањето открива уште дека вегетаријанките, кои не јадат месо исто така се тестираат со 25% повисоки нивоа на анксиозност пред породувањето.

Врската помеѓу рибата и депресијата кај идните мајки се должи на содржината на омега-3 масните киселини. Стресот не е нешто невообичаено за бремените и често станува причина за предвремено родени бебиња.

За време на бременоста жените мора да следат нормален режим на исхрана, советуваат лекарите од Бразил, кои го спроведоа истражувањето за нивоата на депресија.

Бремените треба да јадат главно житарици, зеленчук, месо и риба. Некои видови риба и морска храна се особено корисни.