Замислете како ви лазат полжави по лицето? Делува како кошмар, но една јапонска козметичка компанија тврди дека на овој начин можете да ја подмладите кожата на лицето...

Новиот, "лигав" третман ќе ви помогне во чистењето на порите и подмладување на лицето, а јапонската компанија која прва ќе започне со овој третман, смета дека луѓето, посебно дамите, ќе се согласат на тоа за да изгледаат поубаво.

"Лигата од полжавите помага во отстранување на мртвите клетки, ја опоравуваат кожата после изложување на сонце и ја враќаат влажноста", вели претставничка на козметичката куќа, Манами Такамура.

Се верува дека слузот од полжавите добро делува на кожата, а веќе постојат и креми со екстракт од полжави.

Една од првите клиентки кои подлегнала на овој третман, кој трае пет минути и чини 106 долари, вели дека искуството било многу пријатно и релаксирачко.

"Чвствувате како полжавите се движат по вашето лице. Во почетокот беше малку чудно, но всушност е многу пријатно", навлеа таа, додавајќи дека кожата на лицето после третманот и била нежна и влажна.

Не знаеме дали е пријатно, но сигурни сме дека била лигаво!