Мокрачата на бебињата може да каже многу за неговото здравје. "Паметните" пелени ги предупредуваат родителите за уринарните промени кај нивните деца...

Со следењето на урината кај бебињата можат на време да се откријат дехидрација, инфекција на уринарниот тракт и дисфункција на бубрезите. Но, дури и на родителите кои навистина водат сметка за тоа како изгледа мокрачата на бебето, понекогаш им треба помош да ги препознаат промените.

Новите, дигитални пелени, на предниот дел имаат неколку квадрати, чија боја се менува во зависност од концетрацијата на вода, протеини или бактерии во мокрачата. Пелените се опремени со аплиакција која може да ги прочита добиените податоци и да ги прати на лекарот.

Иако се направени за да им помогнат на родителите, некои стручњаци сметаат дека дигиталните пелени би можело додатно да ги вознемират.

Компанијата "Пикси Сајентифик" која ги направила овие пелени сеуште чека официјално одобрување за тие да се најдат во болниците, а потоа и во продавниците. Цената на "паметните" пелени ќе биде за 30 до 40% повисока од вообичаените.