На нешто повеќе од 30-степен е тешко да се задржи чувство на свежина, дури и ако само пред неколку часа да сте земале ладен туш. Постојат неколку начини како да се грижите за интимната хигиена во текот на летото, за да ги спречите инфекциите и да се чувствувате удобно во текот на целиот ден...

Редовни тушеви
Не заборавајте да се туширате по два пати на ден. За да ја задржате вашата лична хигиена е потребно да користите специјален течен сапун или гел, кој не само што ќе ве заштити од штетните бактерии, но и ќе ви даде чувство на свежина. Освен тоа ќе ви помогне и за одржување на pH. Важно е да се користи посебна крпа за лична хигиена, која ќе ја менувате најмалку еднаш неделно.

Секојдневни влошки
Во летото секојдневните влошки се особено погодни ако ви треба да поминете долг ден во патување - тие ќе ви помогнат да се чувствувате освежени.

Соодветна долна облека
Гинеколозите препорачуваат да носите облека направена од природни материјали кои "дишат". Ова правило важи особено во летните месеци, кога премногу високите температури доведуваат до обилно потење. Синтетичката облека и долна облека не и дозволуваат на кожата да дише и се создава ефект на стаклена градина, кој создава погодни услови за развој на бактерии. Памучните ткаенини се најдобар избор за вашата долна облека.

Хигиена на плажа:
- Пред да легнете на лежалка добро е да подложите сува крпа на неа.
- Не седете врз песок, за да ги избегнете малите каменчиња, кои неизбежно ќе влезат во костимот за капење.

Овие едноставни правила за хигиена ќе ви помогнат да се заштитите од бактерии и инфекции, а исто така ќе спречите и воспаление на уринарно-половиот систем.