Времето за годнишни одмори започна, а бидејќи е касно за некои драстични промени, речиси сите жени размислуваат како со помош на некои трикови за убавина да заблескат на плажа...

1.Обојте ги трепки
Ретки се оние среќнички кои имаат густи, темни трепки кои секогаш изгледаат како да се нашминкани, но тоа сега може да се лажира. Наместо скапи и често неефикасни водоотпорни маскари ова година ви советуваме пред годишниот одмор да ги обоите трепките во некој салон за убавина. Постапката е релативно кратка и сосема безболна, а шмина нема да ви треба во наредните месец дена!

2.Преминете на гел креми
Ако имате проблеми со масна кожа, за време на годишниот одмор во целост преминете на гел креми кои матираат. Со нив, секои неколку дена нанесувајте и хидратантна маска и вашата кожа ќе изгледа генијално.

3.Лажирајте го тенот за првото појавување на сонце
Ако се плашите од првото соблекување во бикини додека телото ви е сеуште бело - направете си лажен супер тен со некој од производите за самопотемнување. Внимателно нанесете го неколку дена пред одморот и на плажа првиот ден ќе блеснете во полн сјај. Секако, не заборавајте да понесете и пилинг за потоа бојата рамномерно да ја отстраните.

4.Никогаш повеќе лоша фризура
И вие сте една од оние девојки чија коса на плажа изгледа лошо? Набавете интересни детали за коса и целосно игнорирајте го проблемот. Шешири, цветови за коса, марами и хипи траки за миг ќе ве претворат во кралица на плажата.

5.Kратки нокти во луди бои
Заборавете на долгите нокти и гелови - кратките нокти секогаш се во мода, а и лесни се за одржување. Со себе понесете неколку лакови во откачени бои и уживајте во опуштеното лето!