Ако имате посветол тен и почуствителна кожа, речиси е невозможно лицето да не ви "изгори" од сонцето, дури и ако сте поминле неколку минути надвор. Еве што можете да направите да го сокриете црвенилото, наместо да се затворите дома.

Бидејќи кожата од сонцето се суши, потребно е на лицето да му ја обезбедите потребната влажност. Изберете лосион за лице кој содржи млечна киселина и алое, затоа што тие состојки ќе и помогнат на кожата и ќе ги обноват мртвите клетки и ќе ја ослободи кожата од црвенилото од сонцето.

Освен лосионот, можете да користите и хидратантна крема за лице, но и маски кои можете да ги купите или да ги направите сами. Искористете ја сезоната на краставиците, на пример - изрендајте ги и држете ги десетина минути на лицето.

Ако се шминакте, задолжително нанесете подлога за шминка со минерали. Ваквите подлоги се најдобри за покривање црвенила или хиперпигментација, затоа што во себе содржат алое, а не масло кое уште повеќе би ја иритирало кожата.

Доколку се изложите повторно на сонце не заборавајте на кремата со заштитен фактор. Цинк-оксиодт и титаниум-диоксид кои ги содржат овие производи, ќе и ја обезбедат на кожата потребната заштита од УВ зракот. Најмалку што ви треба е веќе "оштетената" кожа повторно да ја изложите на сонце без заштита.

Пред било кој производ да го нанесете на кожата на лицето, втријте го на рацете, за да се уверите дека нема да предизвика некоја непосакувана реакција.