Кога станува збор за убавина или мода, мајките се најдобри советници, покажуваат резултатите од истражувањето направено меѓу 2000 жени по нарачка на францускиот козметички гигант "Ланком"...

Податоците од анкетата покажуваат дека жените добиваат до 24 нови совети за разубавување од своите мајки. Заедно со препораките за шминката, најчесто пренесени мудрости од мајка на ќерка се секогаш носи резервни хулахопки и да не се изложуваат премногу телото на видик.

Друга важна модна препорака е да инвестираат во убави чанти. Ако ги следат советите на мајките, жените исто така треба да ги кубат влакната само под линијата на веѓите, но не и над неа, да го впиваат карминот, и при шминкање да ги нагласуваат очите или усните, но не и двете.

Истражувањето открива уште дека девојките почнуваат да ги слушаат советите на мајките за мода и убавина помеѓу 11  и 20-годишна возраст. По овие прашања ќерките им веруваат повеќе на жените, кои ги родиле, отколку на познати експерти за стил.

Една третина од учесничките во анкетата изјавиле дека се потпираат целосно на своите мајки за совети. Над 50% од младите жени секогаш се консултираат со своите мајки при изборот на нова тоалета, а 30 проценти не се подготвени да ја носат ако не добиле одобрение.

Податоците од анкетата покажуваат дека една четвртина од жените разменуваат чанти со своите мајки, 15% ја копираат нивната шминка, а една на секои пет ги користат парфемите и нивните козметички производи.