Пиењето на кригла пиво дневно го подобрува здравјето на срцето, утврдија грчки научници. Тие утврдија дека приливот на крвта до срцето се подобрува само неколку часа по пресушувањето на две третини од кригла и ефектот е посилен отколку кај пиењето неалкохолно пиво...

Откритието го поддржува претходното истражување, според кое умереното пиење пиво штити од срцеви заболувања. Според некои студии кригла пиво дневно го намалува ризикот од срцев удар и мозочен удар до 30%. Но тоа е едно од првите истражувања за тоа што се случува во кардиоваскуларниот систем веднаш по испиена кригла пиво.

Научниците од Универзитетот Харокопио во Атина избрале 17 мажи непушачи во крајот на 20-тите и почетокот на 30-те години. Кардиоваскуларното здравје на секој од нив било проценето час или два по испиени 400 милилитри пиво, еднакво на нешто повеќе од две третини од една кригла.

Подоцна тие поминале низ истото истражување, но откако испиле иста количина неалкохолно пиво или вотка. Резултатите објавени во весникот "Nutrition", покажуваат дека и трите пијалаци имаат корисни својства за цврстината на артериите, но најголема е користа од пивото. Според научниците комбинацијата од алкохол и антиоксиданси во пијалокот веројатно е од клучно значење за поволните ефекти за здравјето.

Темните пива подобро го штитат срцето од светлите, утврдиле уште научниците.