Жените кои работат ноќни смени во текот на 30 години, се два пати повеќе загрозени од развој на рак на дојка, предупредуваат научниците...

Причината се крие во вештачката светлина која може да предизвика раст на тумори. Канадски експерти истражувале 1134 жени со рак на дојка и ги споредиле резултатите со 1179 претставнички на понежниот пол, на кои никогаш не им била дијагностицирана оваа болест.

Околу една третина од жените учеснички во истражувањето, работеле ноќни смени како медицински сестри, рецепционерки во хотел или др. Тие биле поделени во три групи во зависност од тоа колку долго време работат на ова работа - до 14 години, меѓу 15 и 29 години и над 30 години.

Резултатите покажале дека жените кои работат 30 и повеќе години во текот на ноќта се двојно повеќе загрозени од рак на дојка.

Иако многу луѓе работат на флуоресцентно осветлување во секое време од денот, научниците веруваат дека најопасна е вештачка светлина во текот на ноќта. Тоа е така, бидејќи тоа го нарушува циклусот на спиење и хормоналните ритми на организмот што предизвикува рак.