Конзумирањето на две порции масна риба неделно како лосос, ги штити жените од рак на дојка, открија кинески научници...

Рибата обезбедува омега-3 масни киселини, кои се од суштинско значење за развојот на мозокот и ги намалуваат воспаленијата во мозокот, кардиоваскуларниот систем и други клетки.

Најдобар извор на омега-3 масни киселини е мрсната риба, бидејќи човечкото тело не може да ги произведува. Претходните истражувања открија дека омега-3 масните киселини се најветувачки вид масти, кои го намалуваат ризикот од рак. Кинеските научници ја истражувале врската помеѓу рибите, примањето на омега-3 и ризикот од рак на дојка.

Тие ги анализирале резултатите од 26 истражувања од САД, Европа и Азија со учество на над 800 000 луѓе и над 20 000 случаи на рак на дојка. Нивното истражување покажало дека дополнителни 0,1 грама или 0,1% енергија на ден, кои доаѓаат од омега-3 масните киселини во рибата, го намалуваат ризикот за пет проценти.

Како целина изворите на омега-3 масни киселини од риба се извор за намалување на ризикот од рак на дојка за 14%. За постигнување на слично намалување на ризикот, жените треба да јадат една до две порции масна риба неделно како лосос, туна или сардини.