Се верува дека проблемот е поради метежот, загадување на воздухот, екстремните температури, друг вид на храна, консумирање на алкохол и големено движење...



Кога сме на летен одмор, тогаш доаѓа до нагла промена на нашите животни навики.

Проблеми со срцето, како на пример оние за кои се верува дека се виновни за предвременото заминување на актерот Џејмс Гандолфини, е една од главните причини за смрт на одмор. Кога одиме на годишен одмор, треба да бидеме ослободени од стрес и времето да го поминеме релаксирано, па никој да не очекува дека ќе се случи нешто лошо.

Истражување од 2003 година покажува дека годишните одмори подразбираат промена на навиките, кои на телото и психата му создаваат огромен стрес. Таквите ненадејни промени може да предизвикаат срцев удар или други опасни здравствени состојби.

Холандско истражување покажува дека срцевите удари најчесто се случуваат за време на првите 2 дена од одморот, отколку подоцна, пишува магазинот „Live Science“.

„Можеби луѓето не мислат дека е така, но на годишните одмори ние сме ранливи суштества на кои може да им се случат лоши работи. Тие денови може да се појави стрес посилен од било кога порано“, објаснува д-р Ерик Алтман, автор на истражувањето.