Стресот може да ја оштети машката сперма, па дури и да биде причина за проблеми во развојот на мозокот кај своите деца...



Истражувачите откриле дека анксиозноста или депресијата кај возрасните, тинејџерите, па дури и во детските години, може да има силно влијание врз генетската промена на спермата. Истражувачите тестирале глувци и откриле дека спермата оштетена поради стрес, дава „затапено“ потомство, што е состојба која се поврзува со неколку ментални нарушувања.

Истражувачите од Универзитетот на Пенсилванија рекле дека ова е прв пат да се пронајде врска и откриено е дека болестите предизвикани од стрес, може да преминат од таткото на децата. Глувче од машки пол било изложено на стрес во времетраење од 6 недели, пред да почне да цица, за време на пубертетот и на постара возраст. Тоа го постигнале со преместување на глувчето во друг кафез, со изложеност на предатор однадвор, со предизвикување на бучава или вметнување на надворешни предмети во неговиот кафез.

Се испоставило дека глувчето развило генетски изменета сперма, која го репрограмира делот од мозокот за потомство. Потомците отапеле на стрес и имале помало количество од хормонот кортикостерон, кој се јавува како реакција на стрес. Истражувачите истакнуваат дека овие наоди се важни за подобро разбирање и лекување на невропсихијатриски болести.