Најдобар начинда се заштитиме од изгореници е да одмараме на сенка и да користиме заштитни креми со висок СПФ фактор. Но истражувањата покажаа дека одредени намирници можат да имаат многу важна улога кај чувањето на нашата кожа во текот на летните месеци. Станува збор за вкусна храна која благодарениена своите здрави состојки делуваат како природна крема за сончање со умерен заштитен фактор...

Темно чоколадо
Истражувањето кое го спроведе еден британски научник ќе развесели многу љубители на овој десерт зато што чоколадото кое содржи висок процент на какао делува како крема за сончање. Имено, кожата на испитаниците кои конзумирале само 20 грама темно чоколадо во текот на 12 недели била значително (речиси двојно) поотпорна на сончеви изгореници од кожата на оние кои не јаделе чоколадо.

Зелен чај
Уште еден силен антиоксиданс кој го штити нашето тело, а со самото тоа и нашата кожа. Само чаша од оваа здрава напивка дневно ја прави кожата поотпорна на сончево зрачење за дури 25% - покажало истражувањето спроведено на примерок на жени кои пиеле зелен чај во текот на 12 недели.

Домати
Освен што се вкусни, доматите се голем пријател на нашата кожа. Истражувањето спроведено во Велика Британија открило дека само 5 лажици домати дневно ја зголемува отпорноста на кожата од сонечви изгореници за дури 33%,што значи дека делуваат како кремите за сончање со заштитен фактор два.