Чаша топло чоколадо пред спиење штити од дијабетес, утврдија американските научници...

Глувците, кои биле подложени на диета со висока содржина на масти, страдале од помалку воспаленија кога добивале какао во прав. Научниците веруваат дека откритието може да се примени и кај луѓето. Темното чоколадо е богато со флаваноли, кои ја подобруваат циркулацијата, така што ги прошируваат крвните садови.

За целите на истражувањето глувците биле хранети со човечкиот еквивалент на 10 лажици какао во прав, околу четири-пет шолји топло какао, за десет недели.

"Ме изненади скалата на последиците. Ефектот за тежината не беше толку голем, колку што очекувавме, но бев изненаден од драматичното намалување на воспаленијата и масната инфилтрација на црниот дроб",
изјави раководителот на истражувањето професорот Џошуа Ламберт.

Голем број индикатори за воспаление, што предизвикуваат дијабетес тип 2 предизвикувајќи инсулинска резистенција, биле значително пониски кај глувците, хранети со какао, и речиси идентични кај контролната група која примала само храна со ниска содржина на масти.

Така на пример глувците од првата група имале со околу 27% помалку инсулин во плазмата, високите нивоа од која покажуваат дека пациентот може да е болен од дијабетес. Какаото во прав го намалува за околу една третина и количеството штетни масти, кои се депонирани во црниот дроб, наречени триглицериди. Проф. Ламберт од Државниот универзитет во Пенсилванија, рече дека глувците регистрирале мало, но значајно намалување на индексот на телесната маса.

Какаото се користи во медицината повеќе од 2000 години. Маите и Ацтеките биле убедени дека тоа лечи многу болести како што се висока температура, срцева болка и болести на цревата. Во последните години научниците открија дека редовното конзумирање на овошје и зеленчук богато со флавоноиди го намалува ризикот од рак, мозочен удар и срцеви заболувања.