Медот е одлично средство за обновување на сувата и овената кожа, ја ревитализира и негува во длабочина. Ќе ви презентираме две проверени и омилени домашни рецепти за маски со мед...

За уморна кожа
Опција 1:
1 или 2 кафени лажички мед се топат во водена бања и се нанесуваат со нежни масажни движења на лицето. Оваа терапија е идеална за освежување и омекнување на уморна кожа, а топлината и пријатниот мирис даваат дополнително чувство на релаксација.

Опција 2:
Енергизирачки за кожата делува и домашен коктел од мед, папаја и лимон, кој брзо ја оживува исушената кожа и нобезбедува сончева свежина и убавина.

Ревитализирачки маски
За сува кожа:
Изгмечете половина добро созреано авокадо со 2 лажици мед, се меша добро и се става смесата на лицето. Откако ќе се исуши, измијте со млака вода.

За мрсна кожа:
Измешајте 1 лажица мед со една лажица лимонов сок. Намачкајте на кожата и по 10 минути отстранете со помош на памучен тампон натопен со розова вода.

Во заклучок можеме само да кажеме дека медот содржи околу 20% вода и 75% шеќер и уште цел коктел од минерали, витамини и олигоелеметни кои дури и во мали количини може да направат чуда за убавината, а освен тоа претставува вистинско задоволство за телото и духот со својот лесен и пријатен мирис.