Пред 15 години, Џаред Фогл го изедел својот прв сендвич од ланецот на брза храна Subway...



Тогаш тој тежел 200 килограми. Тој смислил диета во која е дозволено само сендвич со мисиркино месо - без мајонез, масло и сирење. Денес е за 100 килограми послаб и вреди милиони. Стана заштитно лице на Subway и добива бесплатни сендвичи од нив.

Фогл како тинејџер јадел од синџирите на брза храна и пиел по 15 лименки газиран сок дневно. Кога неговата тежина достигнала до 200 килограми, одлучил да ја намали својата телесна тежина. Диетата ја започнал како бруцош, кога влегол во Subway, сместен веднаш до неговиот студентски стан. Одлучил секој ден да јаде сендвич со мисиркино месо без мајонез, масло и сирење, и зеленчук за вечера. Газираните сокови ги заменил со диетални.

Фогл никогаш не бил уморен од сендвичи, од кои живеел 11 месеци, а понекогаш ќе посакал и пица и чизбургер. Ослабел над 100 килограми за 1 година, пишува DailyNews. Веста за неговата трансформација и губењето на тежината брзо се проширила преку студентското списание. Фотографијата од Фогл, каде ги покажува претходните фармерки со обем од 150 см на половината, ги привлече локалните медиуми.

Наскоро го повикале од Subway, а неколку недели подоцна Опра го поканила на нејзиното шоу. Фогл оттогаш снимил над 300 реклами за Subway.

Пред 15 години тој бил студент со прекумерна тежина, а денес вреди 15 милиони долари. Сендвичот со мисиркино месо, со кого се стана познат, се уште го јаде барем 2-3 пати неделно. Фогл основал фондација за помош на децата со прекумерна телесна тежина.