15-минутната прошетка после секое јадење допринесува за заштита на постарите лица од дијабетис тип 2, покажуваат резултатите од новото истражување. Кратките прошетки влијаат на контролата на шеќерот во крвта, сооптија истражувачите од американскиот универзитет Џорџ Вашингтон...

Зголеменото ниво на шеќер после јадење го зголемува ризикот од дијабетис тип 2, па одмарањето после оброк е најлошата работа која може да ја направите, се наведува во студијата.

Стручњаците нагласуваат дека постојат помали разлики меѓу ефектот на различни облици на рекреација, но и дека секоја активност е добредојдена и корисна.

Ова е прво истражување за кратките физички активности во различен период после јадење, кога нивото на шеќер може значително да порасне.

Истражувањето утврдило дека три прошетки по 15 минути имаат исти ефект на намалување на нивото на шеќер во период од 24 часа како една прошетка со умерено темпо од 45 минути.

Физичката активност веднаш после јадење е значително корисна за постарите лица поради нивниот бавен и низок степен на лачење на инсулин.

Тие утврдиле дека најдобро време за прошетка е после вечерниот оброк, кој често е најобилен во текот на денот, и со тоа довеува до највисоко ниво на шеќер во крвта.