Од многу оддамна е познато дека озборувањето е доста застапен облик на комуникација меѓу луѓето, особено меѓу жените. Неодамнешни истражувања покажаа дека озборувањето во умерени количини е здраво...

1.Озборувањето ги намалува стресот и анкциозноста
Со други зборови, кога ќе слушнете дека на некој му е полошо од вас, едноставно се чувствувате подобро. Тоа не значи дека кога ќе слушнете дека некој од вашите пријатели или познати добил отказ, прекинал врска и слично, и дека ќе скокате од среќа, туку дека тогаш ќе сфатите дека вашиот живот и не е толку лош како што мислите.

2.Со озборувањето полесно ги проценуваме чувствата
Ви звучи ли познато ситуацијата во која на пријателката и се жалите за сегашниот, а особено за поранешниот дечко? Всушност не ја барате вистината, тукау барате потврда за вашата состојба. А кога ќе добиете една или повеќе потврди, полесно ви е да процените што и како понатаму.

3.Озборувањето не поврзува и создава чувство на припадност
Кога озборувате, се слушате едни со други, тврдат научниците. На тој начин се поврзувате со другите луѓе и се чувствувате дека припаѓате некаде. Исто така, собирате информации за луѓето и нивното однесување, а не само за тоа кој со кого е, кога и како, па така ви е послено да ги препознаете лажговците и преварантите.