Секои 6 секунди во светот умира по едно лице умира од срцев удар...



Ова е една од најчестите болести денес. Мозочниот удар е втората најчеста причина за смрт, а најчеста причина за траен инвалидитет.

Забрзаниот живот, стресот и брзата храна се главната причина за мозочен удар, пренесува Дневник.хр.

„Мозочниот удар како завршна фаза е водечката причина за смрт во светот“, рекла лекарката Дражана Мартиновиќ Мамиќ.

На мета се најчесто постарите лица, но се повеќе и повеќе жртви се појавуваат и кај помладата популација. Иако некои причини не можат да се избегнат, поголем дел од проблемите лежат во начинот на живеење.

„Тоа првенствено го зголемува крвниот притисок, потоа го пореметува разградувањето на мастите, и настанува шеќерна болест. Големи причинители за мозочен удар се и овие фактори: пушење, алкохол, стрес“, рекла Вида Демарин, професор по неврологија.

Сепак, движењето и здравиот живот е тешко да се усогласат со секојдневната работа.

Фабијан редовно патува со велосипед и се обидува да се храни здраво. „Се обидуваме да направиме се што можеме. Возиме велосипед колку што можеме повеќе, знаеме дека тоа е здраво. Темпото на животот не ни дозволува континуирано спортување, односно здрав живот“, вели Фабијан Дрнас.

Со висока смртност, мозочниот удар е главната причина за инвалидитет. Најважно е да се препознаат симптомите на време: „Болни невропатии: вкочанетост на едната страна од телото, слабост во мускулите, тешкотии при зборувањето. Понекогаш тоа може да биде и вртоглавица, главоболка придружена со гадење и повраќање, главоболки како никогаш дотогаш“, рекол Денис Черимагиќ, раководител на служба за неврологија во Дубровник.

За да се намали ризикот, решението е едноставно: здрава храна и активен живот. „Секојдневна редовна физичка активност. Риба 2 пати неделно, маслиново масло, овошје, зеленчук и 1 чаша црвено вино“, објаснува Демарин.