Сирењето помага за намалување на шуплините во забите, затоа што ја неутрализира киселината на плунката, покажа новото истражување...

Научниците откриле дека млечниот производ ја прави устата повеќе алкална, што од своја страна ја намалува потребата од лекување на забите. Тие утврдиле уште дека сирењето создава заштитен слој околу забите. Колку е повисоко нивото на pH на површината на забите, толку тие се позаштитени од стоматолошка ерозија, која предизвикува кариес и доведува до потреба од пломби.

За целите на истражувањето, спроведено од страна на Академијата за општа стоматологија во САД, 68 деца на возраст меѓу 12 и 15 години биле поделени во три групи. Едната група била замолена секојдневно да јаде порција Чеда (англиско сирење), другата група консумирала кисело млеко, а третата група - пресно млеко, проследено со миење на устата.

Нивото на pH во плунката била измерена како пред експериментот, па и 10, 20 и 30 минути по него. Кај децата кои јаделе кисело млеко и пиеле пресно млеко, не била утврдена промена на нивото на pH во нивната уста во ниту еден од периодите соопшти истражувачот Випул Јадав. Но оние кои јаделе сирење, покажале брзо зголемување на нивото на pH во секој интервал.

Научниците веруваат дека јадењето на сирење го зголемува количеството плунка во устата, што е природен начин на телото да одржува здрави нивоа на pH. Освен тоа сирењето ослободува хемикалии кои можат да создадат заштитен слој на забите, која дополнително ги штити од киселините, кои го  напаѓаат емајлот.