Наближува летото, а тоа значи дека наскоро на лов ќе излезат комарците крвопијци. Малку пред сезоната научниците одгатнале кои луѓе ги привлекуваат инсектите како магнет...

Според последните истражувања 20% од мажите и жените се исклучително апетитни за зуечките суштества. Со години луѓето верувале во многу митови за комарците, вклучувајќи го и оној дека преферираат блондинки. Но вистината е дека летечките крвопијци не ги избираат жртвите по бојата на косата, сласта на крвта или парфемот.

Американски центар за контрола на болести ги идентификува основните параметри на комарците. Прво тие ги касаат претежно поголемите и полни мажи, бидејќи тие произведуваат повеќе јаглерод диоксид, кој е магнет за инсектите.

Освен тоа комарците напаѓаат повеќе возрасни отколку деца. Спортистите се друга посебна мамка за нив, бидејќи за време на тренингот нивните тела ослободуваат млечна киселина и јаглерод диоксид, кои ги привлекуваат комарците. Тие се радуваат и на холестеролот во крвта. Мирисот на некои луѓе е исто така привлечен за овие досадни летачи во текот на летото.