Малите нозе се сметаат за знак за женска сексуалност, но има места каде што за најпривлечни се сметаат жените со големи стапала...

Малите нозе одамна се сметаат за знак за женска сексуалност, но не и на индонезискиот остров Суматра, каде за најпривлечни се сметаат жените со големи стапала.

Психолози почнаа да ја истражуваат улогата на локалните култури и социјалните фактори за атрактивноста на женскиот пол. Научници од Универзитетот во Вашингтон утврдиле дека во малите рурални средини големите нозе на девојките се негуваат и се допаѓаат. Во истражувањето учествувале 150 мажи и жени од Индонезија. На секој му биле прикажани пет слики со исти жени без облека со косата собрана назад, така што различното било само должината на стапалата.

Резултатите покажуваат дека како мажите, така и жените сметаат дека поубави се луѓето со големи нозе. Оваа законитост е во остар контраст со преференциите во други земји, како САД, Индија, Иран и Бразил. Според научниците, тоа е уште еден доказ дека нема универзална убавина.