Издувниот чад од човек, пушејќицигари, луле или пура е познат уште во форма "пасивно пушење". Непушачите изложени на тоа "пасивно пушење" ги примаат истите 4.000 хемиски состојки, како и пушачите. Повеќе од 60 од овие состојки се познати по тоа дека предизвикуваат рак...

Секоја година, само во САД, "пасивното пушење" е виновно за 40 000 срцеви болести и предизвикува барем 3000 случаи на смрт предизвикана од рак на белите дробови.

"Пасивното пушење" го зголемува ризикот од кардиоваскуларни болести така што ги оштетува крвните тела и го менува нивото на холестерол во крвта.

Научниците тврдат дека непушачите кои живеат со пушачи се 20% повеќе склони кон рак на белите дробови. А кај непушачите, изложени на чадот од тутунот на работното место или во социјалната околина, овој ризик е 25% повисок.

Некои од елементите во чадот од цигарите, познати по тоа дека предизвикува рак и се канцерогени се: формалдехид, арсен, кадмиум, бензен и др.

Други состојки кои се наоѓаат во тутунскиот чад: амонијак (ги иритира белите дробови), јаглерод едноокис (го отежнува дишењето), метанол (отровен при вдишување), водороден цијанид (го попречува дишењето).

Иако вентилациските системи во објектите или во вашиот дом, го бришат видливиот чад, тие не можат да ги отстранат честичките кои го нарушуваат здравјето. Па не се лажете дека ставањето клима ќе го отстрани штетното дејство на тутунскиот чад.