Станува збор за DVD прирачник со фитнес вежби, кои се нарекуваат „Bababoogie“ и мајките и бебињата го изведуваат заедно...



Добро познат е фактот што мајките имаат многу малку слободно време, а она што го имаат го поминуваат со своите мали деца.

Bababoogie фитнесот го практикувала Мишел Велакот, која сакала да брзо и безбедно да се врати во форма, па смислила интересен начин на вежбање, кој е совршен за мајките и нивните бебиња.

За време на вежбањето децата седат во популарните „кенгур“ торби прикачени на мајките и со помош на нивната тежина и правилни фитнес движења, мајките постигнуваат одлични резултати. Ги затегнуваат нивните бутови и задникот, го зајакнуваат 'рбетот и ги топат калориите, како и тежината стекната за време на бременоста.

Мајките ќе вежбаат, а децата ќе уживаат и ќе се забавуваат. За време на вежбањето ќе го гледаат видеото со музика и интересни анимирани сцени.

Вежбите се поделени во две групи. Првите траат 20 минути, наменети за мајки со деца стари само 6 недели и вклучуваат истегнување на мускулите и рбетниот столб, а другите вклучуваат малку побрзо темпо за потење и трошење калории.