Доколку имате проблеми со кожата, и таа е изразено сува, покрај препаратите и средствата кои ги користите, внесете ја и оваа храна како дел од вашето мени. Таа ќе ви помогне во спавувањето со проблематичната сува кожа...

Вода
Иако не е храна, водата е од особена важност за здравјето на кожата, бидејќи огромен дел од ткивото се состои од вода. Можете да ја хидрирате кожата со секакви креми и маски, но ако не пиете доволно вода, таа нема да биде во кондиција.

Авокадо
Авокадото содржи антиоксидантни витамини C и E, а освен тоа вклучува незаситени масни киселини кои ги зајакнуваат ткивата др грижат за срцето и ја задржуваат влажноста во кожата, што ќе ве направи да изгледате малади за подолго.

Риба
Лосос, харинга, сардини, аншоа и пастрмка се само дел од рибите, кои можете да ги консумирате ако имате сува кожа. Рибата содржи омега 3 масни киселини, кои ги заздравуваат кожните клетки, ја штитат кожата од оштетување и ги намалуваат инфекциите. Некои риби ќе ја дополнат исхраната со селен, кој се грижи за производството на еластин, а како што знаеме сувата кожа често е подложна на појава на брчки.

Јатки и семки
Јатките и семките, особено ако се јадат сурови, содржат значителни дози витамини A, B, E, омега 3 масни киселини и незаситени масти. Тие се борат против оштетувањето на клетките, ја хидратираат кожата одвнатре, ја прават еластична и ја штитат од загадување и слободните радикали во телото. Можете да консумирате некои од јатките и семките директно или како масла. Особено корисни се маслото од ленено семе, бадеми, ореви, семки од тиква, бразилскиот орев.