Месото од полжав е месо со исклучителен квалитет, кое истовремено претставува и диетална храна...



Порано полжавите ги јаделе Грците и Римјаните, а се чини дека тој тренд повторно се враќа во Европа. Се увезуваат дури од далечна Колумбија.

Една фарма месечно може да произведува и до 4 тони месо од полжав. Околу 200.000 полжави се потребни за да се задоволат месечните потреби на потрошувачите. За тоа овде сведочат двајцата сопственици на фарма за полжави.

Започнале со градинарство и така се сретнале со полжавите. На крајот, пријателите на цвеќињата се претвориле во нов извор на приходи. Светот се повеќе и повеќе ужива во овој деликатес.

„Немаме никаков модел за работа. Уште од почеток одевме чекор по чекор. Направивме голем број на истражувања за да ги подобриме нашите услови. Работевме со страст и учевме од сопствените грешки. За жал, немавме од каде да ги дознаеме информациите што ни требаа“, рекол ко-сопственикот на фармата Армандо Реј.

Ова суштество е сиромашно со масти и богато со протеини. Неговото месо е полно со минерални соли и есенцијални амино киселини, затоа полжавот спаѓа во нискокалоричната храна.

„Една од работите што не ни оди од рака е кризата во Европа. Тие се најголеми потрошувачи. Сепак, полжавите полека но сигурно го заземат своето место на светскиот пазар. Се повеќе и повеќе клиенти имаме од Канада, Јапонија и Кина. Франција и Шпанија се повеќе ја откриваат магијата на месото од полжав“, рекла ко-сопственичката на фармата Мариела Фореро.

Полжавите се сметаат за одлична храна. Се препорачува да се јаде кога сте болни, за диета, а има и силни афродизијачки својства, што на секој начин ви помага да водите поздрав живот.