Европската унија во 2009г. донесе одлука за забрана на продажба на класични светилки...



Од Македонија се очекува исто така да ги спроведе Регулативите на ЕУ, затоа оваа тема е важна за нас.

Одлуката на ЕУ е донесена врз основа на истражување, кое белгиска компанија го спроведела за Европската комисија со пример од пет енергетски штедливи светилки.

Екипата од емисијата „Проверено“ од Хрватска, разговарала со авторот на документарниот филм „Bulb fiction“, за да ја проверат точноста од забраната за употреба на традиционални светилки. „Европската Унија сакаше да воведе забрана и сакаше бројки со кои ќе го покрепи своето залагање. Но никој не сакаше да знае како работат штедливите светилки. Никој не сакаше да ги знае причините за забраната, туку беа заинтересирани само колку енергија ќе заштедат. Така направија истражување со 5 штедливи светилки! Тоа не е ништо“, им рекол Мориц Гизелман.

Главен проблем е живата, која се наоѓа во енергетски штедливите светилки. Гизелман тврди дека не постојат енергетски штедливи светилки без жива, а нивното рециклирање е исклучително тешко.

„Дојдовме до заклучок дека дури и ако ги рециклираме тие светилки, остануваат премногу токсични материјали, за кои никој нема решение и нема што да се прави со нив. Во Германија се депонираат заедно со нуклеарниот отпад“, рекол Гизелман.

Во Македонија не постојат капацитети за обработка или депонирање на опасен отпад. Ако случајно се скрши штедлива светилка, живата испарува во околната животна средина. А знаеме дека живата е најотровниот елемент присутен на Земјата.

Во ред е да го посакуваме енергетски најисплатливото, но сериозно треба да го земеме во предвид и тоа што нашето здравје ќе биде сериозно доведено во опасност!